निर्ममतापूर्वक एक हल गोरुको हत्या, दुईजना पक्राउ
दैलेख । जिल्लाको भैरवी गाउँपालिकामा गोरुको हत्या गरेको आशंकामा दुई जना पक्राउ परेका छन् । भैरवी गाउँपालिका– २ मा रहेको माँझबाडा गाउँमा बारीमा बाँधेरे राखेको अवस्थामा बिहीबार हत्या गरिएको प्रहरीले जनाएको छ ।
मकै भाँचेदेखी मल बनाउँनको लागि बारीमा बाँधेर राखेको अवस्थामा स्थानिय कलम थापाका २ वटा गोरुको आगाडिको खुट्टा र मुख काटिएको छ । बिहीबार सामान्य भनाभन भएको र रिसको झोकमा आएर गोरुको खुट्टा र मुख काटेको हुन सक्ने आशंकामा २ जनालाई पक्राउ गरिएको प्रहरीको भनाइ छ ।
के कारणले गारुको हत्या हुन पुग्यो भन्ने बारेमा अनुसन्धान भइरेहको प्रहरी चौकी भैरवीका हवल्दार गोपीलाल खड्काले बताए । उनका अनुसार गोरुलाई खुकरी तथा खुडाले हानेको हुन सक्ने अनुमान गरिएको छ । पक्राउ परेका ती २ जनालाई इलाका प्रहरी कार्यालय दुल्लुको जिम्मा लगाइने उनले बताए ।
