Loading... आजः २०७८, ४ असार शुक्रबार

दुई हजार आठसय भन्दा बढि कोरोना संक्रमण मुक्त

दैलेख ः दैलेख जिल्लामा कोरोना भाइरसलाई जितेर संक्रमण मुक्त हुनेको संख्या दुई हजार आठ सय नाघेको छ । दैलेखमा पहिलो पटक २०७७ जेठ ५ गते आठबीस नगरपालिका–१ सात्तलाका ३५ वर्षीय युवकलाई कोरोना भाइरस संक्रमणको पुष्टि भएको थियो । त्यसयता झण्डै १ बर्षको अवधिमा जिल्लामा तिन हजार दुई सय पाँच जनामा कोरोना संक्रमण पुष्टि भएको स्वास्थ्य सेवा कार्यालय दैलेखका निमित्त स्वास्थ्य व्यवस्थापक थीरप्रसाद रेग्मीले बताए ।
स्वास्थ्य सेवा कार्यालय दैलेखका अनुसार जिल्लामा विहीबार मात्रै थप १९ जनामा कोरोना भाइरस (कोभिड–१९) संक्रमण पुष्टि भएको छ । योसँगै जिल्लामा कोरोना संक्रमण पुष्टि हुनेको संख्या तिन हजार दुई सय पाँच पुगेको हो । हालसम्म दुई हजार आठ सय पैसठ्ठी जनाले कोरोेनालाई जितेर घर फर्केका छन् ।
अहिले जिल्लामा सक्रिय संक्रमितको संख्या ३ सय १५ छ । ती मध्ये १७ जना मात्रै दैलेख अस्पतालको आइसोलेसनमा उपचाररत छन् । २ सय ९८ घरमै छन् । जिल्लामा कोरोना संक्रमणका कारण हालसम्म २५ जनाले ज्यान गुमाएका छन् । जिल्लामा पछिल्लो चरण कोरोना संक्रिमण घट्दै गएको छ ।


सम्बन्धित समाचार