दुल्लुको बजेट ८० करोड, चामुण्डाको ६९ करोड

कृष्णप्रसाद अधिकारी
दैलेखः जिल्लाको दुल्लु नगरपालिकाले आगामी आर्थीक बर्ष निति तथा कार्यक्रमा अनुमान रु. ८० करोड ४३ लाख ६६ हजार १ सय ६५ रुपैयाँको आय अनुमान गरिएको छ ।
बुधबार आयोजित दुल्लू नगरपालिकाको सातौ नगर सभामा उप–प्रमुख विष्णु थापाले आगामी आ.व.२०७७/०७८ का लागि निति कार्यक्रम तथा बजेट पेश गरेकीछिन् ।
प्रस्तावित आय अनुमानका आधारमा चालु खर्च तर्फ ७ करोड र विषयगत कार्यालय सहित नगरपालिका र वडाको पूंजिगत खर्च तर्फ रु. १७ करोड ९८ लाख ९५ हजार ६ सय ६५, ,संघ र प्रदेशवाट प्राप्त विषयगत शाखाका लागि सशर्त अनुदान, समपुरक अनुदान तर्फ ३५ करोड ७९ लाख र अन्य तर्फ १९ करोड ६५ लाख ७० हजार ५ सय हुने अपेक्षा गरेको छ ।
दुल्लु नगरपालिकाको बजेटले विशेष गरि कोरोना भाईरस (कोभिड–१९)कोे संक्रमण र महामारीबाट प्रभावित नागरिकहरुका लागि स्थानीय रोजगारी सृजना, व्यावसायीक कृषि, पशुपालन, पर्यटन विकास, उद्यमशील विद्यालय विकास, स्वास्थ्य संस्था सुदृढिकरण र व्यवस्थापन, लक्षित वर्ग केन्द्रित क्षमता विकासका कार्यक्रम, पूर्वाधारजन्य योजनाहरुको निर्माण लगायतका विषयहरुलाई मुलभुत रुपमा ओगटेको जानकारी दुल्लु नगरपालिकाले जनाएको छ ।
यस्तै चामुण्डाविन्द्रासैनी नगरपालिकाले आर्थिक वर्ष २०७७/0७८ का लागि करिव ४९ करोड बजेट पेश गरेको छ । बुधबार जम्बुकाँधमा उद्घाटन भएको नगरसभा चामुण्डाविन्द्रासैनी नगरपालिकालका उप–प्रमुख ताराकुमारी शाही खत्रीले आगामी आर्थिक वर्ष २०७७/०७८ का लागि नीति तथा कार्यक्रम एवम् बजेट पेश गरेकी छिन् ।
आर्थिक वर्ष २०७७/०७८ मा नगरवासीको रोजगार सिर्जना गर्न नगरपालिका जनता रोजगार कार्यक्रम लागु गरिने नीति तथा कार्यक्रममा उल्लेख गरिएको छ यसैगरी एक टोल एक मैदान, एक वडा एक आयमुलक जंगल बनाईने नीतिमा नगरपालिकाले लिएको छ ।