आठविसमा माइक्रोबस दुर्घटना, १ जनाको मृत्यू

दैलेख ः दैलेखको आठविस नगरापलिका वडा नं १ मा विहीबार विहाना माइक्रोबस दुर्घटना भएको छ ।
विहीबार कालिकोटबाट सुर्खेतका लागि छुटेको माइक्रोबस दैलेखको आठ्विसमा दुर्घटना परेको हो । कर्णाली प्रदेश ०२००१ ख ०२४७ नम्बरको माइक्रो कालिकोटबाट १६ जना यात्रु लिएर सुर्खेतको लागि हिडेको थियो । आठ्विस नगरपालिकाको ठुलाघाट भन्ने स्थानमा ११ बजे दुर्घटना हुदाँ माइक्रोबसमा सवार रहेका मध्ये १ जनाको  कालिकोट  जिल्ला साविक भर्ता गा.वि.स. वडा नं. ९ बस्ने  करीब ३७ बर्षिया जितेन्द्र बहादुर शाहीकाे ।मृत्यु भएको छ , १० जना घाइते भएका जिल्ला प्रहरी कार्यालय दैलेखका सुचना अधिकारी इन्द्रिजित सुनारले जानकारी दिए ।
सुनारका अनुसार घाइते १० जना मध्य ७ जनाकोे अवस्था गम्भिर रहेकाले एम्बुलेन्समा सुर्खेत पठाइएको छ भने ३ जना सामान्य घाइते भएको र उद्धार कार्य भइरहेकाेले  घटनाको बाँकी बिवरण आउँन अभै समय लाग्ने प्रहरीले जनाएको छ ।