Loading... आजः २०७८, ५ आश्विन मंगलवार

मन रोयको बेलामा (गजल)

मन रोयको बेलामा पनि मित्र मुस्कुरायो ।

खुसियाली मनाउदै मेरो बिदाइमा आयो।

 

यति सम्म हुदा मलाई दुख लागेको होइन ।

दुख लागेको हो जब उस्ले खन्जर उठायो।

 

कयौं सपना यी आँखा मा बोकेर आयको छु ।

फेरि आखामा कस्ले धारिलो छुरा चलायो ।

 

सिरमा टेकेर हिड्नु भो इज्जत पायको बेला ।

सोच्नु भयन यहि कारण कतिले इज्जत गुमायो।

 

फर्किने छु बाचेर मलाई बिश्वास छ चिहानबाट ।

चिहानमा पुगेको मान्छे फर्किन कसले बतायो।

तिलक पाण्डे 

भैरवी गाउँपािलका, दैलेख